Mon, 22 Jul 2019

Waray News: Pagtanom para hin beach forest, gintikangan ha Borongan

Philippine Information Agency
25 Jun 2019, 22:38 GMT+10

BORONGAN CITY, June 25 (PIA)-Usa ka kilometro han kabaybayunan han syudad han Borongan an gintamnan hin sobra 300 nga maruk-baruk (aka BANO) basi mahimo nga beach forest han syudad.

An pagtanom in ginbuhat durante han pagtigaman han syudad han Borongan han iya ika 12 nga charter day anniversary han ika 19 han Hunyo, 2019.

Masobra sien nga katawhan tikang han local government unit, national government agencies, Tau Gamma Fraternity, ngan mga estudyante an nagtanom han nasabi nga tree species.

Sumala kan Carlos Pombo han Department of Environment and Natural Resources (DENR) panuyo hini nga beach forest an dire la paghatag hin lindung ha mga beach lovers kundi paghatag gihapon kadugangan nga kahoy basi makabulig paglimpyo han hangin.

"An beach forest gihapon in kinahanglan han katawhan, sugad han mangrove komo na-proteher ini nga dire dumiretso an dagko nga balod ha kabablayan, ha oras han dulok kon storm surge," pulong ni Pombo.

Nahatag daw gihapon an kakahuyan hin slope stability nga dire mag-parik an baybay komo nahatag ini hin slope protection.

An beach forest daw in nagpapahul-os han biodiversity ngan nakaka-engganyo hin kadugangan nga wildlife nga makakahatag gihapon ha katawhan hin surok hin pagkaon ngan tambal sama han maruk-baruk.(NBQ/with Abegail Celada/PIA Eastern Samar)

More Central America News

Access More

Sign up for Central America News

a daily newsletter full of things to discuss over drinks.and the great thing is that it's on the house!